Fransa kubokunda 1/8 final mərhələsinin oyunları davam edir. Mərkəzi görüşdə “Olimpik Marsel” azarkeşləri önündə “Pari Sen Jermen”lə qarşılaşıb. Hesab 31-ci dəqiqədə açılıb. Aleksis Sançes meydan sahiblərini önə keçirib. Hissəyə əlavə olunmuş vaxtda Serxio Ramos tarazlığı bərpa edib. 2-ci yarıda daha da fəallaşan Marsel futbolçuları daha bir qol vurublar. Ruslan Malinovski diqqət mərkəzinə düşüb. Paris təmsilçisinin hesabı bərabərləşdirmək cəhdləri nəticəsiz qalıb. Beləliklə, turnirin 14 qat qalibi PSJ mübarizəni erkən dayandırıb.
Kubokun sahibi Nant Anje səfərində qələbə qazanıb. Penalti seriyasında daha inamlı çıxış edən Nant futbolçuları növbəti mərhələyə yüksəliblər.
2-2 hesabilə başa çatan Lion- Lil matçında da qalibi müəyyənləşdirmək üçün 11 metrlik zərbələrə ehtiyac duyulub. Penaltilərin hamısını dəqiq yerinə yetirən Lion futbolçuları 1/4 finala adlayıblar.